Онцлох мэдээ: Мөс цөмрөх аюулаас сэрэмжлүүлэх мэдээ                 Дөрөвдүгээр сарын нэгний өдрийн байдлаар манай орны ихэнх гол, мөрөн, нуурын мөсний зузаан өнгөрсөн хугацааныхаас 5-50 см нимгэрч  мөс харлах, мөс байрандаа хайлах, усан зах үүсэх, харз гүйх зэрэг үзэгдэл ажиглагдаж  байна. Цаашид цаг агаарын дулааралтай уялдан гол мөрний мөс хайлж, мөсний нягт багасан хэврэгших тул цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг онцгойлон анхааруулж байна. Гадаргын усны судалгааны хэлтэс 2020-04-01

Урьдчилсан мэдээ > 7 хоног
Шинэчлэгдсэн: 2020-03-30 13:23:42

Хэвлэх

7 хоногийн төлөв

2020 оны 3 дугаар сарын 30-наас 4 дүгээр сарын 06-ныг хүртэлх

7 хоногийн цаг агаарын урьдчилсан төлөв.

/ Ихэнх хугацаанд цаг агаар тогтуун, өдөртөө дулаарна./

Хур тунадас: 30-нд шөнөдөө говийн аймгуудын нутгийн зүүн хэсгээр, 5-нд шөнөдөө төвийн аймгуудын нутгийн хойд хэсгээр, 6-нд төвийн аймгуудын нутгийн зүүн, зүүн аймгуудын нутгийн зарим газраар хур тунадас орно.

Салхи: Салхи 30, 6-нд говь болон зүүн аймгуудын нутгаар, 1-нд зүүн аймгуудын нутгийн зүүн хэсгээр 12-14 м/с хүрч ширүүснэ. Бусад хугацаанд 5-10м/с байна.

Агаарын температур: 30, 31-нд  Увс нуур, Дархадын хотгор болон Завхан голын эх, Идэр, Тэс голын хөндийгөөр шөнөдөө 25-30 градус, өдөртөө 6-11 градус, Хангай, Хөвсгөл, Хэнтэйн уулархаг нутаг, Хүрэн бэлчир орчмоор шөнөдөө 16-21 градус, өдөртөө 0-5 градус, Алтайн өвөр говь, говийн нутгийн өмнөд хэсгээр шөнөдөө 1-6 градус хүйтэн,  өдөртөө 5-10 градус дулаан, бусад нутгаар шөнөдөө 7-12 градус хүйтэн, өдөртөө 1-6 градус дулаан байна. Бусад хугацаанд дулаарч Увс нуур, Дархадын хотгор болон Завхан голын эх, Идэр, Тэс голын хөндийгөөр шөнөдөө 17-22 градус хүйтэн, өдөртөө 2 градус дулаанаас 3 градус хүйтэн, Хангай, Хөвсгөл, Хэнтэйн уулархаг нутаг, Хүрэн бэлчир орчмоор шөнөдөө 10-15 градус хүйтэн, өдөртөө 0-5 градус дулаан, Алтайн өвөр говь, говийн аймгуудын нутгийн өмнөд хэсгээр шөнөдөө 1 градус дулаанаас 4 градус хүйтэн, өдөртөө 12-17 градус дулаан, бусад нутгаар шөнөдөө 3-8 градус хүйтэн, өдөртөө 8-13 градус дулаан байна. 6-нд төв болон зүүн аймгуудын нутгаар хүйтэрнэ.  

Улаанбаатар - 2020/04/02

17 цаг

12 53
O
CF
Үзэгдэлгүй
5 м/с

ӨНӨӨДӨР - 2020/04/02

12 53
O
CF
Цэлмэг

7 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store