Онцлох мэдээ: Урин дулаан цаг ирж буйтай уялдаад гол мөрөн, нуурын мөсний зузаан өмнөх арав хоногоос 5-10 см нимгэрч, мөс хэврэгшиж байгаа тул  цаг хожих, зам товчлох зэргээр мөсөн дээгүүр явах болон авто тээвэр хийхгүй байхыг онцгойлон анхааруулж байна. УЦУОСМХ-н Гадаргын усны судалгааны хэлтэс 2021-02-21

Урьдчилсан мэдээ > 7 хоног
Шинэчлэгдсэн: 2021-02-22 09:21:35

Хэвлэх

7 хоногийн төлөв

2021 оны 2 дугаар сарын 22-ноос 3 дугаар сарын 01-нийг хүртэлх

7 хоногийн цаг агаарын урьдчилсан төлөв:                

/Хугацааны дунд үеэс ихэнх нутгаар хүйтэрч, салхи шуургатай байна./

Хур тунадас:  22-нд Алтайн уулсаар, 23-нд Алтай, Хангай, Хөвсгөл, Хэнтэйн уулархаг нутгаар, 24-нд Хэнтэйн уулархаг нутгаар, 25-нд баруун аймгуудын нутгийн баруун хэсгээр, 26-нд баруун болон төвийн аймгуудын нутгийн зарим газар, говийн аймгуудын нутгийн хойд хэсэг, 27-нд төвийн аймгуудын нутгийн зарим, говь болон зүүн аймгуудын ихэнх нутгаг, 28-нд Халх голын саваар цас орж, цасан шуурга шуурна.  

Салхи: 22-нд говь, талын нутгаар,  23,24-нд Алтайн салбар уулс, Арц Богдын өвөр хоолойгоор секундэд 12-14 метр, 25-нд баруун аймгуудын нутгаар, 26-нд ихэнх нутгаар, 27-нд төв, говь, зүүн аймгуудын нутгаар, 28-нд зүүн аймгуудын нутгийн зүүн хэсгээр секундэд 9-14 метр, зарим үед секундэд 18-20 метр хүрч шороон шуурга шуурна.

Агаарын температур:  Хугацааны эхээр ихэнх нутгаар хүйтний эрч суларч Увс нуур болон Дархадын хотгор, Завхан голын эх, Идэр, Тэс, Байдраг, Ерөө, Халх голын хөндийгөөр шөнөдөө 24-29 градус, өдөртөө 11-16 градус, Хангай, Хөвсгөл, Хэнтэйн уулархаг нутаг, Эгь, Үүр, Орхон, Хараа, Туул, Тэрэлж, Хэрлэн, Онон, Улз голын хөндийгөөр шөнөдөө 18-23 градус, өдөртөө 5-10 градус, Хангайн нурууны өвөр бэл, говийн бүс нутгийн өмнөд хэсэг болон цас багатай энгэр ээвэр газраар шөнөдөө 1-6 градус хүйтэн, өдөртөө 5-10 градус дулаан, бусад нутгаар шөнөдөө 11-16 градус, өдөртөө 2 градус дулаанаас 3 градус хүйтэн байна. 25-наас баруун аймгуудын нутгийн баруун хэсгээр цаашдаа буюу энэ сарыг дуустал ихэнх нутгаар бага зэрэг хүйтэрч  шөнөдөө Увс нуур болон Дархадын хотгор, Завхан голын эх, Идэр, Тэс, Байдраг голын хөндийгөөр 31-36 градус, Хангай, Хөвсгөл, Хэнтэйн уулархаг нутаг, Эгь, Үүр, Орхон, Хараа, Ерөө, Туул, Тэрэлж, Хэрлэн, Онон, Улз голын хөндийгөөр 28-33 градус, Хангайн нурууны өвөр бэл, говийн бүс нутгийн өмнөд хэсэг болон цас багатай энгэр ээвэр газраар 5-10 градус, бусад нутгаар 18-23 градус, өдөртөө Увс нуур болон Дархадын хотгор, Завхан голын эх, Идэр, Тэс, Байдраг, Эгь, Үүр, Орхон, Хараа, Ерөө Туул, Тэрэлж, Хэрлэн, Онон, Улз, Халх голын хөндий, Хангай, Хөвсгөл, Хэнтэйн уулархаг нутаг, Дорнод-Дарьгангын тал нутгаар 13-18 градус, Хангайн нурууны өвөр бэл, говийн бүс нутгийн өмнөд хэсэг болон цас багатай энгэр ээвэр газраар 0-5 градус, бусад нутгаар 5-10 градус хүйтэн байна.

Онцлох мэдээ

Улаанбаатар - 2021/03/01

2 цаг

-18 0
O
CF
Үзэгдэлгүй

0 м/с

ӨНӨӨДӨР - 2021/02/28

-9 15
O
CF
Багавтар үүлтэй

6 м/с

Шинэ мэдээ

Санал асуулга

"Бороо шивэрнэ" гэсэн хэллэгтэй урьдчилсан мэдээг та юу гэж ойлгодог вэ?

google play app store