Цаг агаар

Онцлох мэдээ: Арваннэгдүгээр сарын хоёрдугаар арав хоногийн байдлаар манай орны ихэнх гол мөрөн битүү мөсөн бүрхүүлтэй болсон хэдий ч мөсний зузаан 2019 оны мөн үе болон олон жилийн дунджаас 5-35 см нимгэн, мөсний зузаан голын нийт уртын дагууд харилцан адилгүй байгаа ба мөсний даац хүн, мал, машин тэрэг явахад аюулгүй хэмжээнд хүрч бэхжээгүй тул мөсөн дээгүүр явах болон авто тээвэр хийхгүй байхыг онцгойлон анхааруулж байна. Гадаргын усны судалгааны хэлтэс 2020-11-21

Урьдчилсан мэдээ > 7 хоног

Шинэчлэгдсэн: 2020-11-30 10:23:33

Хэвлэх

7 хоногийн төлөв

2020 оны 11 дүгээр сарын 30-наас 12 дугаар сарын 07-ныг хүртэлх

7 хоногийн цаг агаарын урьдчилсан төлөв:

/Нийт нутгаар хүйтэн хэвээр байна./

Хур тунадас: 12-р сарын 1-нд баруун аймгуудын нутгийн зүүн, төвийн аймгуудын нутгийн зарим газар, говийн аймгуудын нутгийн өмнөд хэсэг, зүүн аймгуудын нутгийн хойд хэсгээр, 2-нд баруун, төв, зүүн аймгуудын нутгийн зарим газраар, 3-нд зүүн аймгуудын нутгийн зүүн хойд хэсгээр, 4-нд баруун аймгуудын нутгийн баруун хэсгээр, 5-нд баруун болон төвийн аймгуудын нутгийн хойд хэсгээр, 6-нд төв болон зүүн аймгуудын нутгийн зарим газраар цас орно.

Салхи: Ихэнх хугацаанд 5-10 м/с, 5, 6-нд нутгийн хойд хэсгээр түр зуур секундэд 13-15 метр хүрч ширүүснэ.

Агаарын температур: Ихэнх хугацаанд Завхан голын эх, Дархадын хотгор, Хүрэнбэлчир орчим, Идэр голын хөндийгөөр шөнөдөө 33-38 градус, өдөртөө 22-27 градус, Алтай, Хангай, Хөвсгөл, Хэнтэйн уулархаг нутаг, Тэс, Хараа, Ерөө, Туул, Тэрэлж голын хөндийгөөр шөнөдөө 26-31 градус, өдөртөө 15-20 градус, бусад нутгаар шөнөдөө 19-24 градус, өдөртөө 10-15 градус хүйтэн, ихэнх хугацаанд говийн бүс нутгийн өмнөд хэсгийн цас багатай газраар шөнөдөө 13-18 градус, өдөртөө 3-8 градус хүйтэн байх төлөвтэй байна.